The Arch

The Arch

Yn maart dit jier is Geart Tigchelaar fan Fryslân nei it Soutar Festival of Words yn Perth (Skotlân) fytst. Op dat poëzyfestival hie er in lêzing mei de Skotske dichter David Eyre, dy’t gie oer de relaasje tusken it Frysk en it Ingelsk oan ’e hân fan Tigchelaar syn wurk. Eyre is dwaande Tigchelaar syn debútbondel leech hert yn nij jek (Hispel 2016) nei it Skotsk oer te setten.
Tigchelaar hie it sammele wurk fan Soutar mei yn syn fytstas. Fierders hie de dichter ek syn kamera meinommen, dat hy hie himsels de opdracht jûn om alle dagen in foto te nimmen dat goed paste by in gedicht of fragmint en publisearre dat op de sosjale media. De organisaasje fan StAnza Festival yn St Andrews (Tigchelaar hat dêr yn 2018 optreden) fûnen dat in wakker moai inisjatyf en hawwe dêrom de foto’s en fersen bondele yn in e-boek dat no fergees del te laden is.

http://stanzapoetry.org/blog/arch-including-poems-william-soutar

Tigchelaar hat ek in gedicht skreaun dat ynspirearre is op it libben en wurk fan William Soutar. Dat is oersetten troch Eyre yn it Skotsk en hjirre publisearre.

Jou in reaksje

It e-mailadres wurdt net publisearre. Fereaske fjilden binne markearre met in *

This site uses Akismet to reduce spam. Learn how your comment data is processed.