Maaie 2026
Neare nacht
Neare nacht is it earste moannegedicht fan Jannie Roodhof, de moannedichter fan maaie 2026 by RIXT. Neare nacht Mei de kop yn ‘t reid Komt it ûngedierte Mâltjirgjend op my oan Se raze my yn de earen Krûpe yn ’e hoalen Bite my De mûzenêsten yn it foarûnder Boazje oan: Ik moat wach wêze …Luts
‘Luts’. is Jannie Roodhof har twadde moannegedicht. Jannie Roodhof: ‘Myn gedicht oer de Luts wol ik graach yn it moanneljocht sette. De Balkster krante hie in wedstryd útskreaun mei it tema de Luts. It mocht mar in bepaald oantal wurden befetsje. Dit gedicht wie ien fan de winners en leit yn cortenstaal njonken de Luts …April 2026
maitiidsljocht
Sylke Kingma is moannedichter fan april 2026 by RIXT. Har earste moannegedicht is ‘maitiidsljocht’. maitiidsljocht de swiere knipklaai tusken Fûns en Jorwert skjirret djipper as myn tinzen yn betiid maitiidsljocht is it gers suver geiler as oars ljipkes oer de wjuk yn ‘e fromblauwe loft socht ik juster in skries hjoed bin ik in ljip …Maart 2026
Ministerresept / Ministeropskrift
Tomas Dalgaard is dichter fan de moanne maart by RIXT. Ministerresept / Ministeropskrift is syn earste moannegedicht. Ministerresept Nim in diel idealisme en twa dielen persoanlike ambysje en knyp der in daai fan dat net krommelet Ming der in teeleppel talint troch in ytleppel rabberij en jaknikkerij fan de slimste soarte en 25 gram gêst …Ofwiisd yn ’e hel / Afvist i helved
Ofwiisd yn ’e hel / Afvist i helved is Tomas Dalgaard syn twadde moannegedicht fan Maart 2026. Ofwiisd yn ’e hel Sjochst net dat it hjir fol sit snuorre de duvel dûm mei ferkrêfters sadisten en lustmoardners Knoarren kriminelen Rasisten Oarlochsmisdiedigers Pedofile rikelju Spikerhurde bankdirekteuren Folk dat ferrifelet en alles docht foar jild Hjir is …Febrewaris 2026
Hounspolder
Geart Tigchelaar is moannedichter fan febrewaris by RIXT. ‘Hounspolder’ is syn earste moannegedicht. hounspolder lêze kin ik net buordsjes fan hjir net briede sykje mar in oar plak binne oan my net bestege fleane kin ik wol en dat hiele einen yn febrewaris kom ik út afrika nei nederlân sûnder te tanken of in gehakbal …needpakket
Geart Tigchelaar is moannedichter fan febrewaris by RIXT. ‘Needpakket’ is syn twaadde moannegedicht.Yn it moanneljocht: De takomst fan BF Nederlân
Geart Tigchelaar is dichter fan febrewaris 2026: ‘It nije kabinet is oansteande. It stimpel fan de VVD is yn it regearakkoart tige grut. It binne wer de lytse man, de natoer en de takomst dy’t ferbuolguodde wurde. De riken wurde riker op kosten fan in oar. Is der noch in takomst foar Nederlân of jouwe …Continue reading "Yn it moanneljocht: De takomst fan BF Nederlân"
Hounspolder
Geart Tigchelaar is moannedichter fan febrewaris by RIXT. ‘Hounspolder’ is syn earste moannegedicht.
hounspolder
lêze kin ik net
buordsjes fan hjir net briede
sykje mar in oar plak
binne oan my net bestege
fleane kin ik wol
en dat hiele einen
yn febrewaris kom ik
út afrika nei nederlân
sûnder te tanken
of in gehakbal yn sjú
navigearje kin ik as de bêste
sûnder gps en lânskaart
nettsjinsteande al jim ljochten
bebouwing en lânhonger
briede kin ik ek
al gau in aai as fjouwer
fyn marris in plakje
foar in moai nestke
ik sei al
lêze kin ik net
dus wat in reade list is
wit ik net
dat ik dêr op stean
fernuveret my net
fernuverje kin ik dus ek
oer it feit dat jim my grutsk neame
kening fan ’e greide
botte keningsgesind binne jim oars net
it lit him riede hoe’t jim omgeane
mei bisten dy’t net fan adel binne
prate kin ik net
dichtsje dan wol wer
dus ik einigje mei rym
wat in ferskuorrende kolder
dat jim bouwe yn ’e hounspolder!
Harkje nei dit fers op Soundcloud