Tamara Feddema is dichter fan de moanne septimber by RIXT. ’18 septimber’ is har earste moannegedicht.
ek ik bin jiske
Myrte Marije Veenbaas (1986) is moannedichter fan augustus en hat keazen foar in fers dêr’tst de oan- en ôfwêzigens fan har mem (ferstoarn yn 2025) yn fiele kinst. Dit gedicht slút foar har oan by dizze moannen, wêryn’t de natuer op har moaist is en tagelyk de oankommende hjerst al fielber is.
ek ik bin jiske
mei myn ear tsjin it lid
hear ik de stilte fan dyn azem
folgje de linen fan dyn skurte
ea wie ik sels net mear
as grús
ik sjoch dyn fingers
yn myn hân
ik klopje
do seist
ik bin al fuort
as piipgers yn ’e hjerst
Siik
‘Siik’ is in fers fan Anders Rozendal.
Siik
maitiid 2020
tusken De Falom en Quatrebras
striele de giele brem
it joech blidens en hoop
al wienen de gedachten
by de kommende útslach yn Drachten
maitiid 2021
tusken De Falom en Quatrebras
glânze de giele brem
sa moai, glimken wy
likegoed wienen de gedachten
wat wy hearre soenen yn Drachten
maitiid 2022
tusken Quatrebras en De Falom
pronke de giele brem
wy hienen der gjin each foar
hienen inkeld de gedachten
by it fûnis út Drachten
Strânswalkers
Strânswalkers is in fers fan Rein de Lange
Strânswalkers
elts in eigen stjerrehimel
swalkjend mei langstme
yn in besette lea
wurden draaie fan rjochting
waaie in krimpende wyn
oer it strân waarm en iepen
it ûntbleate sân, tij
flústert jit yntym
in lêste sankje
want oer de kym streamt
de ûnferbidlike floed
it sâlt de âlde wûnen yn
Ofgaand tij
Hein Jaap Hilarides is de dichter fan July 2026 by RIXT. ‘Ofgaand tij’ is syn twadde moannegedicht.
Ofgaand tij
Ik lees de gedachten fan ’t slik,
Ontleed de kleurde grizen fan ’t ik.
Ik geef de rúmte an myn dampige self,
Foel ’t licht, de lucht, ’t slik, ’t ôfgaand tij.
Ik smyt stimmingen in ’n symfony fan gedichten;
As Appel forf op ’t doek en Balzac woorden op papier.
Ik lúster na de Wadden as naar ’n pianosonate fan Beethoven.
De seewyn roest in de raiden, de slikfelden flústere mij wat in ’t oor.
Sintjaarsmet
Hein Jaap Hilarides is de dichter fan July 2026 by RIXT. ‘Sintjaarsmet’ is syn earste moannegedicht.
223 Sintjaarsmet
De son gaat ônder in ’n rôs feest fan ’n regenboog-kefee.
De beat fan de dronken met sweeft over ’t kaatsfeld,
’n Seefeugel flygt dwars deur ’n kaatsbal hine.
De wermte stiigt mij naar ’t hoofd as ’n ritsy in de sweef.
De dâg na de bulldozers is ’t weer stil.
De kleuren fan de aven losse op in de nacht,
’t Licht boven de Wadden donkerblau.
Alleen ’t geluud fan ’n koe-ketting in ’n melkstâl.
Oantinken
‘Oantinken’ is it earste moannegedicht fan Martsje de Jong, dichter fan juny 2026 by RIXT
Oantinken
Thús hiene wy in ynrinkast
op ’e oerloop neist de badkeamer
Yn myn eagen in ûnbidige kast
dêr’t wit wat yn bewarre waard
en ik op de taast it paad fine koe tusken
âlde boeken, winterklean, redens, skuon
in steapel wollen tekkens
op ’e planke tsjin ’e achterwand en spinnen
Oan de muorre yn swart bakelyt
in draaiknop foar it ljocht
krekt te heech foar myn fingers
Mar it bêste heucht my
it sachte tichtfallen fan ’e doar
de ûnferbidlike klik fan ’e kaai
dy’t omdraaid waard yn it slot
it tsjuster om my hinne