1 maart 2018
Dizze wike net folle managers op ‘e perrons. De measten sitte grif yn ‘e snie of yn ‘e sinne. Foar Tsjisse Hettema oanlieding om in gedicht te skriuwen oer dy ûnsichtbere managementlaach yn hast elk bedriuw of ynstelling. Tsjisse: ‘Yn de soarchsektor wurdt der al hieltyd tsjin iggewearre. Mar dêr hawwe se der ek nije inisjativen út ûntstean sjoen mei hast gjin backoffice mear en mear oandacht foar de kliïnten. Dat it kin gelokkich ek oars.’
OP DE PERRONS
op de perrons hastige minsken
nei de útgongen
earen klam tsjin de holle
plakt
gjin feestgongers
dy’t har lêste drinkliet
ferwaaie litte
mei gemak tilt de trein
har
it etos yn
fan de boargerplicht
soest se
even de earen
de tearen
út de aktetaskes
yn de aktetaskes
it gemiddelde fan
in útdaging
of nei ôfrin even
daging smoar
© Tsjisse Hettema