Home

In oade oan Femke Kok fan Syds Wiersma

it rjochte ein
op de krusing ta
wurdt sy in fûgel oer it iis
dy mytyske
koest it hast net leauwe
mei de wyn yn ‘e rêch
oer de Dokkumer Ie
datst sa noch ris fleane soest

wurdt sy mei twa earmwjokken
swypkjend oan it kliene liif
de toerfalk
dy’t har kloeren yn de warleaze
foar har slacht

de binnenbocht yn fljocht
stiif by it rântsje del
hinget se wreed tsjin de sintrifugale macht
trapet troch, it skonkedier
wurdt dy lêste klappen
wer minsk
dy’t wit dat sy de ôfgrûn
fan it ferliezen hjoed
útbonke hat

sjoch hjir har gouden 500 meter race yn Milaan:

Noch in nij gedicht fan Rein de Lange.

Foarby

In nij gedicht fan Rein de Lange.

Kosthûs Ierde

yn swarte keamers sitte
âlde pizelers mei boesgroentsjes
wachtsjend op it momint

iepenje heimlik doarren
mei de kaai fan bedonderjen
har eigen wierheid as wachtwurd

de kastlein ken syn gasten
in rop om Themis har swurd
de skealjes orakelje de rede

de bringer fan it suverjende lûd

Ignasi Ripoll is in Katalaansk dichter, dy’t yn Frjentsjer wennet. Ferskate fersen fan him binne troch Syds Wiersma yn it Frysk oerset.

Gener a Amersfoort

Un hivern mascle, gebrat arreu,
com un vell noble en el seu feu,

les branques cristal·litzades
que el vent emborna debades

i el cel tot parat d’un blau
vellutat, on el fred rau,

com jau el pa dolç a taula,
el vi, el formatge i la faula

que a escalf de l’amor s’empara
rere el tel que el vidre amara.

—

Jannewaris yn Amersfoort

In rûge froast en winter fan stien,
as ’n âlde ealman yn syn lien,

beïzele de tinkel-tûken
op ’e wyn fergees oan ’t lûken

en de fluwielen loft bedutsen
mei ’n blauwens út de kjeld wei lutsen

sa’t it swiete brea op ’e tafel stie,
glês wyn, stik tsiis en de sêge gie

dat leafde in waarm plakje fûn
efter ’t besleine rút bespûn.

Oersetting: Syds Wiersma