Aukje-Tjitske Dieleman-Hovinga (1984) komt fan it Bildt (Nij-Altoenae) en hat as bern seis jier yn Warten wenne, wêr’t se Frysk learde. Op har tolfde kaam se foar in pear jier werom nei it Bildt, foar’t se op har santjinde Fries om utens waard. Taal en skriuwerij ha altyd har grutte ynteresse hân. Se begûn mei it skriuwen fan gedichten op har fjirtjinde en wurke jierrenlang as selsstannich tekstskriuwer. No wurket se yn dieltiid by in bedriuw dat apps makket foar minsken dy’t (suver) net of net altyd prate kinne.
Dêrnjonken leit se har ta op poëzy en proaza, yn it Frysk, Nederlânsk en somtiden Ingelsk. Se is foarsitter fan Dichtersgilde Terneuzen, treedt in soad op mei har poëzy en wûn yn 2024 de Maerlant Poëzieprijs mei it gedicht ‘Definitief’. Dat gedicht kinst hjir lêze.
Earder skreau se al it bondeltsje Jouw landschap adem ik (2012) en yn novimber 2025 ferskynde har bondel Geosmine.
Sweltsjes Jim alfabet kin ik net ûntsiferje nea ha ik jim wjukslach leard jim binne fiifdimensjonaal en links- of rjochtsom te sofistikeard foar myn ienfâldich begryp Lit it in kombinaasje wêze fan jim gepiip, de hichte, it lûd, it momint, en jim maneuvels, jim dûnsjen, dy’t taal fuortbringt en sa’t jim ûnder en boppe elkoar om en neiby en oeral krekt bywei giselje en troch lytse kieren sjitte de kearn sjen litte fan it libben michjes ite, fleanen leare partner fine, pearje, striekes garje, drek boetseare sa begripe jim elkoar en witte wat ik noch leare moat ik kin net oan jim tippe net iens jim freegje om it koart en dúdlik út te lizzen Publisearre by it Dichterspaad fan Aldegea https://www.oudega.info/dichterspaad