Rixt – Frysk dichterskollektyf
Frysk dichterskollektyf
‘Samar’ is Cornelis van der Wal syn twadde moannegedicht fan april 2022
Samar
It kin samar wêze dat jo samar samar, mar ik net,
stjerre. It liif hat syn tiid, de sinne giet stikken,
de bonken wurde stjonkend swart sop fan lutsen.
Mar ik net, mar ik net. Samar, samar.
Stikken giet de swarte sinne.
Tiid reart yn in panne stjonkend sop.
Samar, samar. Mar ik net.
‘Wite huzen’ is Cornelis van der Wal syn earste moannegedicht fan april 2022.
Wite huzen
Wite huzen, yn de bosken
rinne skurve dieren. Bonken lizze
yn in sirkel om de stedsgrêft hinne.
De sinne wit wat de bonken tinke moatte.
Fleantugen smite deade bern as
bommen op de wite stêd.
Parseberjocht
Dichter op de Deel
De stimmen fan it lânskip
Snein 22 mei, 14.00 oere
Eksmoarre, Boalserterwei 13
Dichter op de Deel jout mei ‘De stimmen fan it lânskip’ oandacht oan stimmen dy’t hieltyd minder te hearren binne. It lânskip kin net foar himsels opkomme; yn sprutsen essees, poëzy, muzyk en soundings krijt it lânskip in stimme.
Mei: Jantien de Boer, K. Michel, Tsead Bruinja, Roberta Petzoldt, Shari van Goethem, Syds Wiersma, Suzanne Krijger, Dien L. de Boer
Muzyk: Zea
Foar it folsleine programma, sjoch:
https://www.dichteropdedeel.nl/dichteropdedeel
Tickets foar Dichter op de Deel 2022 binne te krijen fia:
https://www.dichteropdedeel.nl/dichteropdedeel
Wy riede jo oan om de tickets op ‘e tiid online te keapjen, der is mar in beheind oantal kaarten oan de doar te krijen.
Foto’s: Haye Bijlstra, © Tresoar
Foar mear ynfo oer de jûn, sjoch hjir
Op sneon 21 maaie 2022 wurdt de bondel Hewwy dát presintearre. Poëzy fan Tsjisse Hettema (1955-2021) mei filtwurk fan Aafje Bouwer. Utjouwerij Frysk en Frij.
PROGRAMMA
11.30-12.15; ynrin fan 11.00 oere ôf
Wolkom
troch Welmoed Hettema
Wurdsje
fan Aafje Bouwer
Foardracht út Tsjisse syn fersen
Edwin de Groot, Geartrude Hettema, Arjan Hut, Sipke de Schiffart, Syds Wiersma
Muzyk
Goed MISS (Siepie de Boer, Ger Bijzitter, Chris Pattiopon, Irene Visser, Marijke Vroom)
Yellow Hammer (Cora Dijk, Laurens Huizenga, Rudi Kaldenberg, Cora Straatman)
Utstalling fersen en filt
Hettema-histoary
Yn ’e midsiuske kelder skiednis fan Hettema
Iten en drinken út ’e folop
Tagong fergees
Fol is fol
Plak: Stedhûs Frjentsjer, Riedhúsplein 1
Datum: 21 maaie 2022
Tiid:
11.00 ynrinnerij
11.30-12.15 programma
12.15-14.00 praterij en útpraterij.
Opjaan: foar 14 maaie o.s.
by Utjouwerij Frysk en Frij
post@frysk-en-frij.nl – 058-212 00 35
Oflevering 4 fan ‘Ferwûndering en Ferûntrêsting’.
‘Hûs’ fan Carla van der Zwaag.
It is skreaun by it wurk l’Univers du poète.
Kor Onclin: l’Univers du poète
Hûs
Omwuolle mei stikeltrie
hâldst my pandutsen
Dyn plafond sakket, sakket,
triuwt my troch de flier,
smoart my yn libben sân
Myn wrakseljen makket wûnen
Ik wachtsje duldsum
Moarn gean ik by dy wei,
lit dy útlibbe efter