Tsien dichters te gast by IepenUp Live oer Dieredei

Tsien dichters te gast by IepenUp Live oer Dieredei

Kommende woansdei 2 oktober stiet IepenUp Live yn it ramt fan Dieredei. It is de bedoeling dat it ien grutte bisteboel wurdt: sprekbeurten, muzyk en gedichten oer favorite bisten. Troch de jûn hinne trede tsien dichters op, wêrûnder fiif Frysktalige dichters fan RIXT: Evita Bakker, Edwin de Groot, Ineke van der Heide, Sipke de Schiffart en Janneke Spoelstra.

Peter Vermaat, Nederlânsktalich en ek RIXT-dichter, slút de jûn ôf. Hy is kenner fan Fransiskus fan Assisi en makke ferskate teaterfoarstellings oer him. Fransiskus stoar op 3 oktober 1226 yn Portiuncula. Op 4 oktober waard syn lichem yn prosessy nei de San Giorgio yn Assisi droegen, dêr’t er begroeven waard. Twa jier letter waard er troch de paus Gregorius IX hillich ferklearre en sa waard 4 oktober syn feestdei. Yn 1929, by in ynternasjonaal kongres fan ferienings foar dierebeskerming, waard de dei fan Fransiskus útroppen ta Wrâld Dieredei.

IepenUp Live begjin om 20.00 oere.
De seal is iepen om 19.30

Datum: woansdei 2 oktober
Seal: Neushoorn, De Backstage
Tagong: fergees

Jou in reaksje

It e-mailadres wurdt net publisearre. Fereaske fjilden binne markearre met in *

This site uses Akismet to reduce spam. Learn how your comment data is processed.