Lara Kool is dichter fan de moanne febrewaris 2024. Har twadde moannegedicht is Striehaal.
Striehaal
Meifarre mei it tsjuster
meifarre nei it neat
de reade sellen streame
dêr al lang net mear
Swimme nei mystearje
sadat it dy omsylt
alle oare kleuren
dobberje bûten byld
Driuwe om te libjen
Ja, driuw noch as it kin
mar de lila-lêste striehaal
kinst al net mear sjen
Dus far gewoan mar mei
rêstich mei de stream
kleur dyn lêste tinzen
want alles is in dream