‘Fûgel op see’ is in gedicht fan Tryntsje van der Veer
Fûgel op see
tipt mei de flerken
krekt net it wyt fan ’e weagen
donker it kopke smel it liifke
dan tsjin de wyn yn
omheech
wy farre
Cap Gris-Nez en Albion
oan wjerskanten kryt
skiednis is betinktiid
alwer in jier ferlyn
dat wy stilstiene
nea sil it oergean
it weromsjen
jierren deistich
faaks faker
dizze tel
tipt mei de flerken
it wyt fan ’e weagen
dûkt – net ûnderstrûpt
komt mei in fiskje
as tûkje
omheech
wy farre