flean op!, in fers fan Geart Tigchelaar.
flean op!
mei de oarloch oer de drompel
freegje ik my lûdop ôf
bin ik no wol of net in pasifist
neffens ús mem en god
moasten wapens omsmeid wurde
en ommers fan al dat definsjejild
koenen wy afrika der boppe-op helpe
mem en god hawwe blykber
net yn ’e eftertún stien
as de safolste fleanmasine
fan frisian flag it ferwulft snijt
flean op!
nei oekraïne