De rop fan in trollejong

Syds Wiersma skreau in gedicht nei oanlieding fan de Amearikaanske ferkiezingen.

Foto: Geart Tigchelaar

 

De rop fan in trollejong

ik leau net sa yn feiten
ik tyskje leaver wat om
mei QAnon-krypto-pripperkes
ik fertrou gjinien mear
behalve wat ik fiel 
en feilich 
fyn

connect the dots

ik haw dy jefte fan de dingen
djipper sjen, ik bin in heechsensitiveling
yn de jacuzzi fan myn bubbel
driuwend op it gewicht 
fan skiednis en wittenskip
blaas ik bûltsjes 
fan sinistere plots

you only have to 
connect the dots

Hy

sil se 
ûntmaskerje
speetse al dy pedofilen 
oan de Gates fan Deep State

simply 
connect the dots

wy krije gelyk
en oars helje wy ús gelyk
want wat is gelyk
fake only fake for the sake of 
de gloarje fan it grutte 
liederskip

Jou in reaksje

It e-mailadres wurdt net publisearre. Fereaske fjilden binne markearre met in *