De earste fan twa poëtyske middeis, organisearre troch it Frysk dichterskollektyf RIXT, yn gearwurking mei Stifting It Tripgemaal.
Fan healwei twaen ôf rûnen de minsken ûnder in reinbôge it Tripgemaal yn. Poëtysker koe hast net. It waar slute perfekt oan by it tema fan dizze middei: ‘De Elemintêre Deelen’, in tema dat alle dichters op ferskate wize ynterpretearre hiene. Diskear wienen Syds Wiersma, Lara Kool, Christa Niklewicz, Anne Heegstra, Job Degenaar en Tanja van Abbema oan bar. Tuskentroch spile pop-folkduo ‘biologisch afbreekbaar’ harren prachtige nûmers en wie der ek in gastoptreden fan de Ierske dichter John Brown út Belfast. In bysûndere middei, dêr’t spontaanwei dichterduo’s ûntstiene, wat it ta in unike ûnderfining makke. Al wie it kâld yn it Tripgemaal de sfear wie waarm en gesellich.
Foar wa’t it mist hat, kommende snein noch in kâns: Edwin de Groot, Dien L de Boer, Carla vd Zwaag, Ypie Bakker, Janna vd Meer en Bauke Terpstra sille harren wurk foardrage. Om 14.00 oere yn it Tripgemaal, ynrin fan 13.30 oere ôf en de tagong is fergees.
Lara Kool
Foto’s Geart Tigchelaar
One Reply to “De Elemintêre Deelen yn Gersleat – snein 13 oktober”