Fan 1 oant en mei 7 augustus sit Dichterskollektyf RIXT op ’e Feanhoop yn de Skriuwersarke fan Rink van der Velde. Alle dagen komt der in twatal del om oan in strofe te wurkjen dat nei sân dagen in folslein gedicht wurdt.
Hjoed hat Cornelis van der Wal it spit dêrôf biten troch de earste strofe te skriuwen, dêr’t it earste twatal moarn mei fierder giet.
Omrop Fryslân hat besocht mei Cornelis te skiljen, mar it is spitigernôch net slagge ferbining te krijen! Hooplik is der moarn in bettere ferbining op it Arkje.
It gedicht, dat de namme ‘De bui‘ krigen hat, stiet ek op de hiemside.